برنامج خلف الأسرار

برنامج خلف الأسرار: الحلقة الأولى

Posted on: ديسمبر 21, 2008

آخر الأخبار تأتيكم دوما من برنامج خلف الأسرار،ونتحدث في الحلقة الأولى والحلقات القادمة عن القرد بتاعنا اللي بيتكلم وكيف استطاع البرنامج الوصول إليه وإجراء اللقاءات التي ستشاهدونها في حلقات البرنامج

مقدمة تاريخية:
كان القرد فيما مضى إنسانا عاديا ولكنه تحول بفعل “الإنّه” إلى قرد بينما كان يتحدث مع خطيبته، شاهد التقرير التالي

واستمر القرد في إعلانات شركة موبينيل حتى قررت الشركة الاستعانة بالممثلة الفاتنة ياسمين عبد العزيز واقتصار أغلب الإعلانات عليها دون القرد..
ومع عدم اهتمام شركة موبينيل بالقرد وعدم توفير وسائل الراحة والرفاهية له أصيب القرد بحالة نفسة سيئة
وأسرّ إلى ياسمين عبد العزيز – حيث جمعتهما صداقة طويلة – بأنه ينوي البحث عن مكان آخر علشان الناس بتوع موبينيل مش مقدرينه، شاهد التقرير التالي:

وتوجد إشاعات شبه مؤكده إن القرد جاله عقد عمل في شومبونجو بس جهات سيادية منعته من السفر بحجة عدم تحديد موقف مصر من دولة شومبونجو حتى الآن، وعندها قررت دولة شومبونجو الشقيقة الضغط على شركة موبينيل علشان توافق على سفر القرد بتاعنا اللي بيتكلم.
وأشارت الجزيرة.نت إلى أن متحدثا رسميا من دولة شومبونجو قد أفاد بأن القرد مش عايز يرجع إلا إذا كانت هناك وعود جادة من شركة موبينيل بحسن المعاملة وعقد احتراف مدى الحياة بشروط جيدة.

والتقت الجزيرة.نت مع بعض المواطنين المصريين لاستطلاع رأيهم بشأن الكارثة، وإليكم ما قاله المواطنون:

  • إحنا مش هنسيب القرد بتاعنا، وبنقوله ارجع يا قرد
  • احنا بدورنا مش هنسلم .. مش هنبيع .. مش هنسيب القرد يضيع

بينما قال مواطن آخر أنا بلغت الرد بتاعي اللي لسفير جمهورية شومبونجو في مصر:
بصي بقة يا شومبونجو
أنا لا عايز أبقى شومبونجي ولا حاجة
أنا داخل بس علشان أقولكم
لو مرجعتوش القرد
إحنا هنعلن الحرب عليكم
ومش هنسلم
ومش هنبيع
ومش هنسيب القرد يضيع

بينما فضل مواطن آخر إرسال رده إلى شركة موبينيل وجاء فيه:
لو القرد مرجعش خلال شهر هحول لاتصالات
ثم تجمع المواطنون حول مراسلة الجزيرة.نت لإظهار محبتهم للقرد أو علشان يطلعوا في الصورة مش عارفين بالظبط كان إيه الدافع بتاعهم، وقال أحد المواطنين:

لو عايزيين القرد يرجع بصحيح يبقى نقف وقفة مصرية
نحكم عقلنا .. علشان القرد بتاعنا يرجعلنا
وقبل ما نزيد مولود .. لازم نتأكد إن القرد بتاعنا موجود

نشرت في جروب اسفين يا شموبونجو: الحملة المصرية لإعادة القرد بتاعنا اللي بيتكلم، على الرابط التالي

http://www.facebook.com/topic.php?uid=27047129964&topic=5162

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

الأرشيف

RSS RSS التلقيمات

  • لقد حصل خطأ، من المحتمل وجود خطأ في ملف الخلاصة، حاول مجدداً لاحقاً.
%d مدونون معجبون بهذه: